Güei na Xunta, como ye davezu por estes feches, celebramos un actu, dientro la programación de la Selmana de les Lletres Asturianes, nel que varies persones, (escritores, diputaos, , etc) damos llectura a testos lliterarios n'sturianu.
Del llibru Cuentos Minimos, editau por la Xunta, tocome lleer "Vida" de Xurde Alvarez. (Llangréu 1073).
Aquel día diba ser el más feliz de la so vida. Enriba la mesa l´escritoriu, tenía´l primeru de los diarios onde ilusionáu, enzarraría y abrazaría los díes recibíos y nel pasáu vivíos. Nerviosu, temblosu`l pulsu y les ganes, punxo nel encabezamiento la fecha d`anguaño y escrbió na primera les páxines: "Nací un 15 de Xineru de 1973". Llueu, quiso siguir y nun pudo. Pensó con fuercia, echó un tiempo ente vacíos, y depués de preñar un desesperu que cortexaba a la derrota terminó añadiendo: "Más... más nada".
Soltó`l pesu de la pluma, peslló la inutilidá fecha diariu abriendo al empar la de la so esistencia y en silenciu, desenterró de la so mirada un puñáu de lluvia d`un cielu de llárimes.
Aquel día, aquel día fue`l más infeliz de la so vida.
Mentantu lleía, allí tabes tú, envuelta en metá de la borrina, difuminando el negruzco de les lletres, que a dures penes podía ver, faciendome sentite tan cerca, como ya fai un año.
Gracias má.
2 comentarios:
Tamos a jueves 10, Míster, hay que actualizar esto un poco más.
Tranqui collacia, nun metas aballu a Xuanin, falta cuasi l'añu pa la selmana de les lletres asturianes, asina que tien tiempu pa facer otru.
Publicar un comentario