miércoles, 14 de mayo de 2008

Si la mesma dureza del silenciu.

N'Asturies, como ya ye vezu a primeros de Mayu (Llunes, 5 – Vienres, 9), conmemorose la Selmana de les Lletres Asturianes.

Nesta XXIX edición que tuvo como protagonista a l’autora Maria Teresa González, exposigose un ampliu programa d’actos, ( esposiciones, presentación de llibros y llectures de testos, etc) nos que participó el Parllamentu d’Asturies cola edición del llibru, “Sentir que toi viva”, dedicau a la muyer y cola llectura pública nel salón Europa de testos en’asturianu.

Como nesta ocasión nun pude, como otres veces, lleer el testu que me correspondía nel actu institucional, paezme bien nun perder la oportunidá d'engolalu aquí.

SI LA MESMA DUREZA DEL SILENCIU

Si la mesma dureza del silenciu
manca,
como bisarma qu’acute nel suañu,
y l’odiu
embaxo la carne
remanez como fonte,
hasta vertise en ríu,
y mos arrastra.

Si en cada abrazu
son dos manes de fiera
gatuñando,
dos ermos qu’amorrecen de sede
tres la pulpa xugosa de los llabios.

Si somos dos cadarmes
qu’atropaos nel deséu
se taracen,
por qué buscanos tanto
amor,
si mos facemos dañu.

Una selmana na que nun resulta añaciosu, pa mi, facer un fuelgu n'actividad diaria pa camentar sobre la situación actual del asturianu, contribuyendo a so difusión en internet y manifestar mi sofitu al desarrollu de la Llei d’usu y Promoción del Asturianu.

Dicho esto, y col mismu énfasis dicir que nun comparto pa ná el camientu d’aquellos qu'usen la llingua asturiana como un preséu políticu pa criar falses identidades qu’esperdiguen a la sociedá asturiana, pende camentu que, la nuesa llingua ye un fechu cultural primerizu, patrimoniu de toos, que debemos curiar con ciñu, engrandando so difusión y favoreciendo su deprendimientu y usu por los/as asturianos/as.

8 comentarios:

LUNA dijo...

Nun ta mal que 17 años despues de la aprobación del Estatutu siga sin desarrollase el articulo 4.
A ver si en el nuevu no se pone, y por contra se practica

xuan dijo...

Agora ye'l momentu. L'asturianu llingua oficial.

falin dijo...

N'Asruries nun se fala la llingua, falense los bables y el gallego-asturianu.

xana dijo...

Mimar la llingua to lo que faiga falta, imponela non.

Anónimo dijo...

Cooficialida ¡ya! . La llingua asturiana nel Estatuto.

xandru dijo...

Asturies ye nacion. Llingua asturiana ¡cooficialida!

LUNA dijo...

Qué pasa, que lo del asturianu dejote frayau y non pues seguir o qué ho?
Mira que hay temas pa escribir eh?
Bueno, será que estás muy ocupado con el Congreso del próximo finde

preguntón dijo...

¿Tas mudu?. Nun cuentes na.¿Diote un aire?.