domingo, 28 de octubre de 2007

Morea, Pueblu, Sociedá y Xente Exemplar.


Ayer foi un día plenu, pal pueblu de Morea d´Ayer y los Humanitarios de Sanmartín, ya que recibíen de manes del Príncipe d´Asturies el premiu al pueblu exemplar d´Asturies. Mereciu reconocimiento a un pueblu trabayaor y tenaz en pruñar por pertener meyores condiciones de vida y a una sociedá, más que centenaria, que dende los sos inicios tuvo un carácter solidariu y de respetu pola cultura tradicional.

Nun ye de estrañar pués, que al actu asistieran brañada de vecinos de Morea y de tol conceyu d´Áyer y nun pocos avecindaos perhí afuera que siguen xuncios a la villa de Morea. Asina, en cuanto llevantó la nublina matutina y el sol aprucir axuntáu al Picu Moros, la plaza de l´iglesia y les cais d´alrededor llenáronse a corrompinar de xente, mentantu les bandes de gaites llaraben l´aire de notes musicales y los grupos de baille daben color al festexu.

Los actos, asocediéronse a tolo llongu de la mañana, onde los príncipes y la xente protagonizaron munchos xestos cenciellus y candiales, que güei recoyen de xeitu ampliu los medios de comunicación. Foi un día de falar muncho cola xente, d´atopase con amigos y collacios, algún dellos facía años que nun lo veía y sobre to d´alcordanzas.

Morea ye pa mi, dende siempre, la sorrisa de mi güela Asunción y el llugar d´algunes de les meyores alcordanzas de la neñez. Con abondo señardá, vienme a la memoria, la casa de Sotiello, a la que s´entraba por un escuru caleyu empedrau, por tres aprucibase el corredor, a plena lluz, a la cai de l´estación.

Naquel corredor pase hores falando con mi güela o empericotau a una siella pa ver con plasmu les asorantes máquines de vapor, basnando un sin fin de vagones enllenos de carbón, mentantu más allá, les vagonetas de la mina nun paraben de movese d´aquí p´alla pol pozu San Antonio, que a menudu ruxía sordamente, faciendo tremer el vasar y tintinear los vasos decoraos con dibuxos de catives florines.

Los paseos con mi güela, anque cortos, nun apiancabamos demasiao, hasta el campu futbol, la plaza, les colomines o el ponte la casanueva pa ver a la familia, parecienme mui llongos, pues parábala muncho la xente, muyeres y homes, pa falar, preguntai coses y faceme a mi afallagues. Yo, sentíame mui a gustu a su lau, pues veía que mi güela era una muyer mui bona y emponderada pola xente.

Cuando falaba con mi ma d´estes coses y otres de cuando ella era neña, sosprendiai muncho que trescurriú tantu tiempo recordarai con tanta claridad a su ma, pues yo tenía pocos años y pasé escasu tiempu con ella. Ya desde entós, nun me cabu dunda que mi güela Asunción yera una muyer almirable.

Depués de finar mi güela, torné varies veces a Morea, pasando les temporaes de branu nes cases de la familia, d´esi tiempo son los trebejos colos primos na cai, xugar al fútbol, coyer tritones, cazar grillos y camparines, afristar piedres al ríu, apiancar de folixa y parranderu poles fiestes de prau y sobre to na foguera de san Xuan,. to ello, ye una bona parte de los meyores intres de la mi neñez.

Col pasu de los años y falando con persones que tuvieron tratación con mi güela, conocí de su cuayu pa´enfrentáse a la vida. Vilba de un fusilau por defender la República, con ocho fios, pruñó sin desmayu pa sacalos p´alante y pese a que durante munchos años tartió dañu, injusticies y llaceries, siempre retruco faciendo el bien a tol mundu.

Por ello, agora, cuando la sociedá Humanitarios de Sanmartín y el pueblu de Morea reciben el premiu al pueblo exemplar d´Asturies, paezme una bona ocasión pa través d´estes línies rindir un xustu, cenciellu y candial homenaje a quien tola vida foi una muyer ayerana exemplar. Mi güela Asunción.




10 comentarios:

Anónimo dijo...

Soy vecín de Morea y doyte les gracies pel comentariu. Nun se quien fue tu güela, pero toy seguru que se paecia a la mía. Son lo meyor que nos queda.

Anónimo dijo...

Soy vecín de Morea y doyte les gracies pel comentariu. Nun se quien fue tu güela, pero toy seguru que se paecia a la mía. Son lo meyor que nos queda.

Anónimo dijo...

Prestome mucho leete, casi seguro que tare ahi pa Sanmartin. Un abrazu pa los collacios.

Anónimo dijo...

Dende Bruseles un saludo pa tos.
¡Puxa Morea y los Humanitarios!.

Anónimo dijo...

Premiu mui merecido, prestóme muncho ver a la a los Principes y a la xente tan contentos por Morea.

Anónimo dijo...

¡Felicidades por todo, Moreda y su gente se lo tiene bien merecido!. Este San Martín será igual que siempre y a la vez muy diferente.

Anónimo dijo...

Lingua Asruriana coficial ¡ya!.

LUNA dijo...

Un post muy emotivo, de los que a mi me gustan, de los que no se pueden hacer con el "corta y pega" y además en asturiano o bable, que yo no se cual es cual. No lo entendí al 100% pero me faltó poco y en todo caso se entiende en sentido.
Lo que queda claro es que los neños que se crian con o alrededor de los guelos o en esti casu guela son especiales.
Esto que cuentas de tu guela Asunción también es Memoria Histórica. Otro día tendrás que contar la tu abuelo Juan y el porqué está enterrado en la Fosa Común.

Anónimo dijo...

Llingua asturiana. ¡Cooficialidá ya!.

Anónimo dijo...

Está claro que los de Ceuta y Melilla tomaron nota de la gente de Moreda. De Norte a Sur y de Este a Oeste, a los españoles cuando se nos toca la fibra respondemos a tope. Sólo lamentar el patinazo de "tu amigo Pepe Blanco" que fue glorioso para el PP.